Golovkın- Alvares revanshy: Qazaqstandyq boksshy neni qalaıdy
02:18, 29 Mamyr 2018
ASTANA. QazAqparat - Boxingscene.com-nyń tilshisi Maıkl Rozental Gennadıı Golovkın (38-0-1, 34 KO) men Saýl Alvares (49-1-2, 34 KO) arasyndaǵy qarymta jekpe-jektiń qarjylyq aspektileri týraly aıtty, dep habarlaıdy Sports.kz.
Atalǵan boksshylar arasyndaǵy jekpe-jek 15 qyrkúıekte ótýi tıis. Alaıda qarjylyq kelispeýshilikterge baılanysty kelissózder nátıjesiz ótýde. Golovkın tabystyń 50/50 bólingenin qalasa, «Kanelo» - 65/35 bóligin ózine alǵysy keledi.
«Golovkın «Kanelomen» ekinshi ret shyqqany úshin 30 mıllıon dollar paıda tabýy múmkin. Qazaqstandyq boksshy tabysty múmkin bolmasa da 50/50 bóleıik dep surap otyr. Ol osy arqyly jekpe-jek tabysyn 60/40 qylyp, Alvarestiń paıdasyna berýge tyrysýda. Bul árıne, birinshi aıqas tabysynyń 70/30 bólinisine qaraǵanda joǵary», - dep jazady Rozental.