Golovkın - Alvares keshiniń anderkardynda álem chempıony tıtýly úshin aıqas ótedi
16:45, 15 Tamyz 2017
ASTANA. QazAqparat - Pýertorıkandyq boksshy Hesýs Rohas (25-1-2 18 KO) domınıkandyq Klaýdıo Marreromen (22-1, 16 KO) WBA tujyrymy boıynsha jartylaı jeńil salmaqta álem chempıony ataǵyna talasatyn bolady. Boksshylar 16 qyrkúıekte Las-Vegasta Gennadıı Golovkın men Saýl Alvares arasynda ótetin jekpe-jek anderkardynda kezdesedi, dep jazdy Sports.kz.
«Áli de óz-ózime sene alar emespin. Boksta bulaı eshqashan jolym bolǵan emes. Munyń barlyǵy ońaı jolmen kelgen joq. Bastapqyda WBA bizge kelissózge 30 kún beretinin habarlady. Ótken jumada jekpe-jek 16 qyrkúıekte ótetini týraly jańalyq estidik», - degen Rohastyń pikirin keltirdi BoxingScene.