Golovkın-Alvares ekinshi jekpe-jegi bıletteriniń quny 8 mln teńgeden astam
17:09, 15 Shilde 2018
ASTANA. QazAqparat - Las Vegas Now basylymynyń jýrnalısi Krıs Maathıýs 15 qyrkúıek kúni Las-Vegastaǵy T-Mobile Arena zalynda ótetin Gennadıı Golovkın men Saýl Alvarestiń arasyndaǵy qarymta kezdesýge satylatyn bıletterdiń qunyn atady, dep habarlaıdy Sports.kz.
Keıbir saıttarda joǵary ıarýstardaǵy turyp kóretin oryndarǵa arnalǵan eń qoljetimdi bıletterdiń baǵasy - 554 dollar (190 850 teńge). Rıngsaıdqa arnalǵan eń qymbat bıletterdiń quny 23 250 AQSh dollaryna jetedi (8 009 625 teńge). Al resmı túrde bıletterdi satýmen aınalysatyn AXS.com saıtynda eń qoljetimdi bılet 800 dollar (275 600 teńge) turady.
1XBET býkmekerlik keńsesi «Kanelo» - GGG qarymta jekpe-jegi úshin mynadaı koeffıtsenter usynady: Golovkınniń jeńisi - 1,6, Alvarestiń jeńisi - 2,69, teń tússe - 23.
Eske sala keteıik, boksshylardyń alǵashqy kezdesýi 2017 jyly 16 qyrkúıekte ótken edi. Daý týǵyzǵan jekpe-jek teń aıaqtalǵan bolatyn.