Habarlamada aıtylǵandaı, jobanyń túsirilimi jańartylǵan tálimgerler quramymen bastalady. Kórermender jańa maýsymdy 2026 jyly tamashalaıdy.
– Tálimgerler qatarynda jobaǵa alǵash ret qatysyp otyrǵan ónerpazdar bar. Joba bastaýynda turǵan Pelageıa men tájirıbeli tálimger Vladımır Presnıakovqa Anna Asti men Ildar Abdrazakov qosylyp otyr, – delingen arna taratqan aqparatta.
Jańa tálimgerler jobadan ne kútetinderin aıtty.
Anna Asti «Golos» shoýyna tálimger bolý úlken mártebe ári erekshe emotsııalyq tájirıbe ekenin jetkizdi.
Al Ildar Abdrazakov bul jobaǵa alǵash ret tálimger retinde qatysatynyna qýanyshty ekenin jetkizip, ár qatysýshynyń qabiletin ashýǵa bar kúsh-jigerin salatynyn atap ótti.
Jańa maýsymnyń «soqyr tyńdaý» kezeńine Reseıdiń ár óńirinen, sonyń ishinde jańa aýmaqtardan, sondaı-aq TMD elderinen kelgen 108 vokalıst qatysady. Jobanyń júrgizýshisi burynǵydaı ıAna Chýrıkova bolady.
Aıta keteıik, qazaqstandyq 11 jasar ánshi 2022 jyly «Golos. Detı» jobasynda 3-oryn ıelendi.