Gollıvýdtyń mamandary «Tomırıs» atty tarıhı-epıkalyq ekshn-fılmdi túsiredi - «Qazaqfılm»

ASTANA. 23 tamyz. QazAqparat - Aldaǵy ýaqytta «Tomırıs» atty tarıhı-epıkalyq ekshn-fılmdi túsirý josparda bar. Bul týraly Astanada ótken jıyndardyń birinde Sháken Aımanov atyndaǵy «Qazaqfılm» AQ prezıdenti Ermek Amanshaev málim etti.

Onyń aıtýynsha, atalǵan jobaǵa Gollıvýdtyń mamandary qatysady. Fılm álemdik kınoformatynda túsirilmek. «Al anımatsııa salasyna keler bolsaq, balalarǵa arnalǵan «Asyqtyń tarıhy» atty joba bar. Ol ejelgi ulttyq oıynymyzdyń búginge jalǵasqan ádemi dástúrin baıandaıdy. Sondaı-aq «Jaýjúrek myń bala» anımatsııalyq serıalyn shyǵarý josparlanyp otyr», - deıdi E.Amanshaev.