Gollıvýdtyń 24 fılmi qazaq tilinde dýblıajdaldy - Qarın

ASTANA. QazAqparat - «A» sanatyndaǵy Gollıvýdtyń 24 fılmi qazaq tiline dýblıajdalyp, «Qazaqstan» ulttyq arnasynda kórsetilgen. Álemdik kınoındýstrııanyń týyndylary aldaǵy ýaqytta da qazaq tiline dýblıajdalyp, kórermenge usynylmaq, dep habarlaıdy «QazAqparat» HAA tilshisi.

«Bizdiń ulttyq arnanyń taǵy bir úlken maqtanyshy - ózimizdiń dýblıajdyq stýdııa. Biz qalyptasqan dástúr boıynsha tanymal álemdik kınohıkaıalardy ózimizdiń aýdıtorııamyzǵa, ıaǵnı qazaq tilinde keńirek tanystyryp kele jatyrmyz. Bul jumysty ary qaraı jalǵastyramyz. Osy jumystyń barysynda birneshe Gollıvýd kınosynyń qazaq tilindegi nusqasyn kórsetetin bolamyz», - dedi «Qazmedıa» ortalyǵynda telearnanyń josparymen bólisken «Qazaqstan» RTRK» AQ Basqarma tóraǵasy Erlan Qarın.
Belgili bolǵandaı, osyǵan deıin «A» sanatyndaǵy Gollıvýdtyń 24 fılmi, 10 tolyq metrajdy Dısneı mýltfılmi, 779 anımatsııalyq serıal qazaq tiline dýblıajdalǵan. «Qazaqstan» ulttyq arnasynyń ujymy bul baǵyttaǵy jumysty jalǵastyra berýge nıettenip otyr.