Gollıvýd akteri eki qyzymen birge ushaq apatynan mert boldy

<p>Gollıvýd akteri Krıstıan Olıver 4 qańtarda Karıb teńizi araldaryna jaqyn jerde shaǵyn ushaq apatynan kóz jumdy. Onyń eki qyzy men ushqysh ta qaza tapty. <a href="https://kaz.inform.kz/" target="_blank" rel="noopener">Kazinform</a> bul týraly <a href="https://tass.ru/kultura/19680493" target="_blank" rel="noopener">TASS</a> agenttigine silteme jasap habarlaıdy.&nbsp;</p>

— Robert Saks ıelik etetin ushaq tústen keıin Nevısten batysqa qaraı qulaǵan. Ushaqta úsh jolaýshy bolǵan: AQSh-tan kelgen 51 jastaǵy Krıstıan Klepser (shyn aty Krıstıan Olıver) jáne onyń 10 jáne 12 jasar eki qyzy — Madıta Klepser jáne Annık Klepser, — delingen Sent-Vınsent jáne Grenadın koroldik polıtsııasynyń Facebook áleýmettik jelisindegi habarlamasynda.

Polıtsııanyń málimetinshe, ushaq usha salysymen qıyndyq týyndap, muhıtqa qulaǵan.

Instagram jelisindegi sońǵy jazbasynda akter oqyrmandaryna jumaq aralynan sálem joldaǵan.

Akter «Parallel álemder» (Sliders 1995-2000), «Kobra» arnaıy jasaǵy (Alarm für Cobra 11 — Die Autobahnpolizei, 1996), «Spıdı Gonşık» (Speedy Racer, 2008), «Valkırııa» operatsııasy (Valkyrie, 2008), «Segizinshi túısik» (Sense8, 2015-2018) jáne «Avanpost» (The Outpost, 2018-2021) fılm-serıaldaryna túsken.