Golden Boy «Kanelonyń» dopıng daýyna qatysty málimdeme jasady

ASTANA. QazAqparat -Golden Boy promoýterlik kompanııasy «Kanelonyń» jekpe-jek aldyndaǵy dopıng-synamasynan klenbýterol tabylýyna baılanysty málimdeme jasady, dep jazady Sports.kz.

NSAC qaýlysyna sáıkes, boksshynyń ary qaraı taǵdyry 10 sáýirdegi otyrysta sheshiledi. 

«Biz Nevada shtaty Atletıkalyq komıssııasynyń (NSAC) protsesin qurmetteımiz jáne onda Alvarestiń isin usynatyn bolamyz. «Kanelo» óz mansabynda 90 ret test tapsyryp, «taza» nátıje kórsetip kelgen jáne tyıym salynǵan zattardy eshqashan ádeıi qabyldamaǵan», - delingen kompanııanyń habarlamasynda.

Buǵan deıin habarlaǵanymyzdaı, WBA/WBC/IBF/IBO tujyrymy boıynsha orta salmaqtaǵy álem chempıony Gennadıı Golovkın 2017 jyldyń 16 qyrkúıeginde ótken alǵashqy jekpe-jekte onyń qarsylasy Saýl Alvares tyıym salynǵan zattardan «taza» bolǵanyna kúmán keltirgen bolatyn.

Saýl Alvarestiń Gennadıı Golovkınmen revanshy 5 mamyrǵa josparlanǵan.