Goa polıtsııasy Qazaqstan azamatynyń ustalǵanyn rastady

ASTANA. QazAqparat - Úndistannyń Goa shtatynyń polıtsııasy Qazaqstan azamatynyń ustalǵanyn rastady. Bul jaıynda QR Syrtqy ister mınıstrligi baspasóz qyzmetiniń jetekshisi Ánýar Jaınaqov aıtty, dep habarlaıdy QazAqparat.

«Goa shtatynyń poltsııasy 22 qarasha kúni Úndistanǵa zańsyz keldi degen aıyppen Qazaqstannyń 1982 jyly dúnıege kelgen azamatshasynyń ustalǵandyǵyn rastady. Qazaqstandyq dıplomattar ustalǵan azamatshamen baılanysqa shyqty. Ol Almaty qalasynyń turǵyny. Úndistanǵa 2016 jyldyń maýsym aıynda tranzıttik vızamen baryp, óz erkimen Goada qalyp qoıǵan. Onyń vıza merzimi atalǵan elge kelgennen keıin birneshe kúnnen soń bitken», - dedi Ánýar Jaınaqov.

Óziniń aıtýynsha, ol qazirgi ýaqytta ustalýshy mártebesinde. Degenmen, ustaý jaǵdaıyna esh shaǵym aıtyp otyrǵan joq. Qazaqstan azamatshasy iri kólemde aıyp tólep elge qaıtarylýy nemese 5 jylǵa bas bostandyǵynan aıyrylýy múmkin.

«Qazaqstandyq dıplomattar azamatshamyzǵa qajetti konsýldyq kómek kórsetýde. Qazirdiń ózinde onyń quqyǵyn qorǵaý úshin advokat jumyldyrdy», - dedi ol.