Gıpnozdap tastaǵan: Shymkenttik ájeler alaıaqqa bar jıǵanyn bere saldy

<p>Shymkentte qart kisilerdi aldap, qarjysyn ıemdenip kelgen alaıaq ustaldy, dep habarlaıdy <a href="Kazinform" target="_blank" rel="noopener">Kazinform</a>.</p>

Alaıaqtyń qurbandary 73 jáne 68 jastaǵy jergilikti turǵyndar bolyp shyqty. Eki mekenjaıǵa da kúdikti úı satyp alý maqsatynda barǵan.

Áńgimelesý barysynda otbasyna dýa jasalǵanyn jáne ony tez arada joımasa, bir jamandyq bolatynyn aıtyp sendirgen. Úıdi tazartý rásimin ótkizý úshin altyn men aqsha suraǵan. Barlyq baǵaly zatty alǵan soń, oqıǵa ornynan boı tasalaǵan.

«Jábirlenýshilerdiń aıtýynsha, qaskúnem gıpnozdy qoldanǵan. Sebebi, olar alaıaqqa qalaı aldanǵanyn bilmeıdi. Kúdiktini Eńbekshi aýdandyq polıtsııa basqarmasynyń jedel ýákilderi izin sýytpaı ustady. Bul iske jedel basqarý ortalyǵynyń beınebaqylaý kameralary kómektesti. Almaty qalasynyń turǵyny qurbandaryn tek egde jastaǵy, sengish azamattardyń arasynan tańdap otyrǵan» - delingen Shymkent qalasy polıtsııa departamentiniń baspasóz qyzmeti taratqan aqparatta.