Gınnestiń rekordtar kitabyna engen eń kishkentaı túrme jaıly ne bilemiz

<p>ASTANA. KAZINFORM — Frantsııa men Anglııa arasynda ornalasqan Sark aralynda 1856 jyly salynǵan álemdegi eń kishkentaı túrme bar. Áli kúnge deıin jumys isteıtin nysanda eki kamera tirkelgen.</p>

Sark aralynda jol, kóshe shamdary joq. Tipti, bir de bir kólik te tirkelmegen. Biraq aıadaı ǵana túrme áli kúnge deıin jumys istep tur.

Onyń bir kamerasynyń kólemi — 1,8 m h 1,8 m bolsa, ekinshisi — 1,8 m h 2,4 m teń.

Munda aǵash taqtaıshalardan jasalǵan shaǵyn kereýet pen juqa matras ǵana bar.

Búginde túrmege jaryq pen jylý tartylǵan, biraq ǵımarattyń terezesi joq.

Tutqyndardy shaǵyn túrmede resmı túrde eki kún ǵana ustaýǵa bolady. Keıin olar kórshi ornalasqan Gernsı aralyndaǵy úlken túrmege aýystyrylýy kerek.

Uzyndyǵy 5 shaqyrymǵa taıaý jáne eni 1,6 shaqyrym bolatyn Sark aralynyń ózinde 600-den az adam meken etedi eken.

Araldyń quqyq qorǵaý organdary qylmys týraly habarlamalardy sırek alady.

Dese de, shaǵyn túrmege jergilikti mas turǵyndar men tártip buzǵan týrıster qamalatyn kórinedi.