Gınnestiń Qazaqstan týraly eń biregeı rekordtary
Teńizge shyǵar týra joly joq eń iri memleket
Qazaqstan aýmaǵynyń kólemi boıynsha álemde toǵyzynshy oryndaǵy el ekeni, aýmaǵynyń kólemi 2,7 mln sharshy shaqyrymdy alyp jatqany belgili. Gınnestiń rekordtaryna elimiz osynsha aýmaǵy bola turyp teńizge shyǵar týra joly joq eń iri memleket retinde tirkelgen. Jalpy Qazaqstan Reseı, Qytaı, Ózbekstan, Qyrǵyzstan, Túrikmenstan elderimen shektesip tur. Degenmen, Qazaqstan aýmaǵyna álemdegi eń iri kól sanalatyn Kaspıdiń bir bóligi enip jatyr.
Eń darhan qurǵaq dala Qazaqstandaǵy qurǵaq dalanyń aýqymy 804 500 sharshy shaqyrymǵa jaıylǵan. Sondyqtan elimizdi álem eń iri qurǵaq dalasy bar memleket dep biledi. Oral taýynan Altaıǵa deıingi aýmaqqa sozylyp jatqan darhan dalanyń tósin 1950 jyldardaǵy tyń ıgerýge deıin mal men eń erkin jaılap keldi.
Bokstaǵy «qazaq salmaǵy»
2016 jyly Brazılııanyń Rıo-de-Joneıro qalasynda ótken jazǵy Olımpıada oıyndarynda 69 keli salmaqta óner kórsetken boksshy Danııar Eleýsinov altyn medal ıelendi. Osylaısha Baqtııar Artaevtyń 2004 jylǵy, Baqyt Sársekbaevtyń 2008 jylǵy, Serik Sápıevtiń 2008 jylǵy jetistigin qaıtalady. Qatarynan 4 Olımpıadada bir salmaqtan 4 «altyn» alǵan Qazaqstan boksshylarynyń jetistiginen keıin 69 kel salmaqty sport sarapshylary bokstaǵy «qazaq salmaǵy» dep atap ketti. Bul da Qazaqstan týraly resmı tirkelgen erekshe rekordtyń birine jatady. Blıts jarysynda eń jas álem chempıony atanǵan shahmatshy Bıbisara Asaýbaeva 2021 jyly Polsha astanasynda shahmattyń áıelder arasyndaǵy blıts jarysynda álem chempıony atanǵan kezde 17 jas 307 kúnge tolǵan. Osylaısha ol atalǵan saıys túrinen álemniń eń jas chempıon boıjetkeni atandy.
Eń alyp baýyrsaq
2014 jyly «Era» telearnasy (qazirgi 7-arna) Almatyda álemdegi salmaǵy 856 kılogramm bolatyn eń alyp baýyrsaq pisirip, jurtty ózderine qaratty. Bul rekord 2024 jyly taǵy buzyldy. Qostanaı oblysyndaǵy «Baýyrsaq Fest» festıvalinde 2 339 kılogramm 650 gramm pisirlgen bolatyn.
Eń kópultty orkestr
2022 jyldyń 6 qyrkúıeginde Astanadaǵy Beıbitshilik jáne kelisim saraıynda 51 ulttyń ókili bir orkestrdiń quramynda saz oınap taǵy bir erekshe rekordty tirkedi. Bul Qazaqstan halqynyń birligin kórsetý úshin uıymdastyrylǵan is-shara bolatyn.
Túngi syrǵanaqqa arnalǵan eń bıik shańǵy shatqaly
Shymbulaq shańǵy shatqaly álem boıynsha túngi syrǵanaqqa arnalǵan eń bıik shańǵy shatqaly bolyp esepteledi – teńiz deńgeıinen 2 300 metr bıikte jatyr.