Gımnastıkadan sport sheberi Aıan Moldaǵalıev 22 jasynda ómirden ótti
Jas sportshy 6 maýsymda ómirden ótken. Bul jaıly Qostanaı oblysynyń sport basqarmasynan málim etti.
Ol sport mansabynda aıtarlyqtaı jetistikterge jetti.
Aıan sport gımnastıkasyndaǵy jolyn 2007 jyly bastaǵan. Talaı jarystarǵa qatysyp, Qazaqstan Respýblıkasynyń birneshe dúrkin chempıony atandy.
Halyqaralyq týrnırlerde de jeńiske jetip, joǵary kásibı deńgeıin dáleldedi.
2018 jyly Aıan Indonezııada ótken jastar arasyndaǵy Azııa chempıonatynda qola júldeger atandy.
Sondaı-aq 2018 jyly Argentınada ótken jasóspirimder arasyndaǵy Olımpıada oıyndaryna qatysty.
«Onyń osy bedeldi is-sharalarǵa qatysýy - tamasha sporttyq sheberligi men gımnastıkaǵa berilgendiginiń aıǵaǵy. Aıan Qazaqstan ulttyq quramasynyń da múshesi boldy. Onyń talanty, eńbekqorlyǵy men sportqa degen adaldyǵy Qazaqstannyń kórkem gımnastıka tarıhynda óshpes iz qaldyrady. Onyń esimi jáne jetistikteri ony kórnekti sportshy jáne sportqa berilgendiktiń úlgisi retinde biletin jáne qurmetteıtinderdiń júreginde máńgi saqtalsyn. Aıannyń otbasyna, dostaryna jáne barsha jankúıerlerine qaıǵyryp kóńil aıtamyz» delingen basqarma taratqan habarlamada.