Ǵımarattar men úı-jaılardy jalǵa berý erejesi bekitiledi

<p>Úı-jaıdy jáne ǵımarattardy jalǵa berý tártibine ózgerister men tolyqtyrýlar engiziledi, dep habarlaıdy <a href="Kazinform" target="_blank" rel="noopener">Kazinform</a> Qorǵanys <a href="https://www.gov.kz/memleket/entities/mod/press/news/details/666753?lang=kk" target="_blank" rel="noopener">mınıstrligine</a> silteme jasap.&nbsp;</p>

Qorǵanys mınıstrligi QR Qorǵanys mınıstriniń 2017 jyldyń 7 tamyzyndaǵy № 422 «Ǵımarattardy, ashanalardyń, monsha-kir jýý kombınattarynyń úı-jaılaryn jáne olardaǵy áskerı múlikti múliktik jaldaýǵa (jalǵa alýǵa) óteýsiz ýaqytsha berý qaǵıdalaryn bekitý týraly» buıryǵyna ózgerister men tolyqtyrýlar engizý týraly» Qorǵanys mınıstri buıryǵynyń jobasyn ázirledi.

Normatıvtik quqyqtyq aktige buıryqtyń oryndalýyn baqylaý júktelgen laýazymdy adamdy aıqyndaý bóliginde ózgerister engiziledi. Ol sondaı-aq jalǵa alýshynyń jalǵa beriletin ǵımarattar men úı-jaılardy jalǵa berýshige jalǵa berý jáne berý merzimderin naqtylaıdy, kommýnaldyq qyzmetter úshin shyǵystardy tóleý tártibin aıqyndaıdy.

Buıryq jobasynyń tolyq mátinimen «Elektrondyq úkimet» portalynda «Ashyq NQA» bóliminde bıylǵy jyldyń 21 jeltoqsanyna deıin myna silteme boıynsha tanysýǵa bolady: https://legalacts.egov.kz/npa/view?id=14831340