Budan bylaı ǵalymdarǵa bıýrokratııalyq kedergi bolmaıdy – Ashat Aımaǵambetov

<p>ASTANA. KAZINFORM &ndash; Parlamentt Májilisiniń depýtaty Ashat Aımaǵambetov <a href="https://www.facebook.com/askhat.aimagambetov" target="_blank" rel="noopener">Facebook</a> áleýmettik jelisindegi paraqshasynda Qazaqstan ǵalymdary kópten beri kútken ońtaıly jańalyqty aıtty.</p>

Ol jaqynda Zań shyǵarý organyndaǵy ózi tóraǵalyq etetin Áleýmettik-mádenı damý komıtetiniń Memlekettik satyp alý týraly zań jobasyna bergen túzetýdi jumys toby qabyldaǵanyn, endi ǵylymı zertteýler jasaý úshin qajetti taýarlardy satyp alý úshin aılap, tipti jyldan sozylatyn bıýrokratııalyq kederginiń alynyp tastalatynyn atap ótti.

Onyń aıtýynsha, mysaly, reaktıvter men jumsalatyn materıaldardy satyp alý protsesi aıtarlyqtaı jeńildetiledi. Bul satyp alý rásimderine endi bıýrokratııalyq kedergi múlde bolmaıdy.

Qazir ǵylymda memlekettik satyp alý isi óte bıýrokratııalanǵan. Zertteýler úshin qajetti materıaldardy alý úshin ótinish kafedra meńgerýshisinen bastap dekan, prorektor jáne memlekettik satyp alýshyǵa deıin kóptegen ınstantsııalardan ótýi kerek. Odan keıin tender jarııalanyp, ol aılarǵa, tipti jyldarǵa sozylady. Al ǵylym úshin árbir kún mańyzdy bolǵandyqtan, mundaı qıyndyqtar zertteýdi tolyqtaı maǵynasyz etedi.

Endi jańa túzetýler ǵalymdarǵa bıýrokratııalyq kedergi jasamaıdy.

Budan bylaı satyp alýlar Memlekettik satyp alý zańymen emes, ýákiletti mınıstrliktiń bekitken arnaıy erejesimen retteledi. Biraq, bul máseleni sheshkende, biz sybaılas jemqorlyqty da aldyn alýmyz kerek. Sondyqtan ashyqtyq pen tsıfrlandyrý arqyly bul talap oryndalatyn bolady, – dedi depýtat.

Onyń pikirinshe, bul ózgerister, ıaǵnı bıýrokratııalyq kedergini alyp ǵalymdarǵa zertteýlerdi júrgizý úshin jańa múmkindikter beredi. Ǵalymdar endi resýrstardy kútýge kóp ýaqyt joǵaltpaıdy.

Endi ákimshilik kedergiler azaıǵan kezde, ǵalymdar tek ǵana ınnovatsııalar men ǵylymı izdenisterge nazar aýdaratyn bolady.

Osy másele boıynsha Prezıdent Qasym-Jomart Toqaev Úkimetke birneshe ret tapsyrma bergen. Sonymen qatar Amanat partııasy da óz saılaýaldy ýádelerinde osy máseleni sheshý týraly aıtqan bolatyn, – dedi ol.

Májilis depýtaty sársenbide Parlamenttiń jalpy otyrysynda Zań jobasy ekinshi oqylymda qaralatynyn aıtty.