Ǵylymı ataqqa qosymsha tólem jasalady - Darhan Ahmed-Zákı

<p>ASTANA. KAZINFORM &ndash; QR Ǵylym jáne joǵary bilim vıtse-mınıstri Darhan Ahmed-Zákı búgin Parlament Májilisinde tanystyrylǵan &laquo;Ǵylym jáne tehnologııalyq saıasat týraly&raquo; jańa zań jobasyna qatysty túsinik berdi.&nbsp;</p>

«Bul qujat jobasyndaǵy negizgi jańalyqtarǵa toqtalsaq, ǵylym salasyndaǵy basqarý júıesine qatysty. Sebebi qazir jańa qurylymdar iske qosylyp jatyr jáne olar bir-birimen úılesýi kerek. Sondyqtan qurylymdyq baılanysty basqarý júıesine sáıkes keltirý normalary engizilgen. Ekinshiden, Ulttyq ǵylym akademııasy jańa statýsqa ıe bolady. Sonyń aıasynda jańa baǵyttar qamtylady. Úshinshiden, tehnologııalyq saıasat boıynsha zertteý nátıjelerin óndiriske engizýdi baǵalaý júıesin engizý qarastyrylǵan. Nátıjesinde, osy baǵyttaǵy qarjylandyrý da ózgeredi», - dedi D. Ahmed-Zákı Parlament Májilisinde tilshiler suraǵyna jaýap bere otyryp.

Onyń aıtýynsha, venchýrlyq qarjylandyrý men tehnıkalyq bıznes-ınkýbator ıdeıasyn jergilikti deńgeıde damytý eskerilip, jańa zań jobasyna engizilgen.

«Munymen qosa, áleýmettik qoldaý tetikteri qarastyryldy. Ǵylymı dárájege (Phd) sáıkes buryndary tıisti tólemaqy beriletin. Soǵan qosymsha qazir ǵylymı ataqqa beriledi. Ǵylymı ataq degenimiz – qaýymdastyrylǵan professor nemese dotsent. Professor ataǵyn alý óte qıyn. Qorǵaǵannan keıin jas ǵalymdar bir orynda toqtap qalmas úshin osyndaı tólemaqy usynyldy. Tólem somasy 25 AEK jáne 50 AEK shamasynda bolady. Professorlarǵa aı saıyn tıisti tólem jasalady», - dedi vıtse-mınıstr.

Budan bólek ǵalymdardy baspanamen qamtamasyz etý normamy usynylǵan.

«Jaqynda Otbasy bank jas ǵalymdarǵa páter beretin jańa baǵdarlamany iske qosty. Al endi jańa zań jobasy aıasynda bul bastama keń aýqymda taralady degen oıdamyz. Otbasy bankimen jasalǵan memorandýmǵa sáıkes, alǵashqy bolyp 100 jas ǵalymǵa (tómendetilgen paıyzben ıpoteka), sodan keıingi jyldary olardyń sany artady. 2026 jylǵa deıin bir myń adam baspanaly bolady. «Ǵylym jáne tehnonologııalyq saıasat týraly» zań jobasy qabyldanǵannan keıin, keleshekte memleketten de qarjy bólinetin shyǵar. Mundaı qoldaý jastarǵa bolashaqqa degen senimdilik beredi. Sebebi, bul olardyń tek ǵylymmen aınalysýǵa septigin tıgizedi», - dedi ol.

Darhan Ahmed-Zákıdiń sózine qaraǵanda, qazir elimizde 22 myń ǵalym bar. Tujyrymdamaǵa sáıkes, 2029 jylǵa deıin olardyń sany 29 myńǵa jetedi.
Elimizdegi 22 myń ǵalymnyń 50 paıyzynda ǵylymı dárejesi bar.