Ǵylymǵa ınvestıtsııa salǵandarǵa 150 paıyzǵa deıin salyq jeńildigi beriledi - mınıstr

<p>Ǵylymǵa ınvestıtsııa salǵan jeke ınvestorlarǵa 150 paıyzǵa deıin salyq jeńildigi beriledi. Bul týraly Ǵylym jáne joǵary bilim mınıstri Saıasat Nurbek aıtty, dep habarlaıdy <a href="Kazinform" target="_blank" rel="noopener">Kazinform.</a></p>

«Ǵylym jáne tehnologııalyq saıasat týraly» zań jobamyzdyń úlken bir tarmaǵy salyq, ınvestıtsııalyq, bıýdjettik jeńildikter arqyly jekemenshik sektordy ǵylym, ınnovatsııalar jáne tehnologııalardy qarjylandyrýǵa tartý, yntalandyrýǵa baǵyttalǵan. Dúnıejúzilik tájirıbeni qarasaq, ǵylymǵa eń kóp ınvestıtsııa jeke sektordan keledi. Bizde 72 paıyzy memleketten bıýdjetten, qalǵan 30 paıyz shamasynda jeke sektordan salynady», - dedi mınıstr Jibek Joly telearnasynyń «Ýáde» baǵdarlamasyna bergen suhbatynda.

Osy oraıda mınıstr jeke sektordy ǵylymǵa ınvestıtsııa salýǵa qyzyqtyrý qajettigin aıtady.

«Qyzyqpasa da qyzyqtyrý kerek. Dúnıejúzindegi eń myqty tetik – salyq jeńildikteri. Máselen, Izraılde jeke kompanııa ǵylymǵa, ınnovatsııalyq óndiriske ınvestıtsııa salsa nemese óziniń ishki óndiristik protsesine ǵylymǵa negizdelgen úrdisterdi engizse, onda 250 paıyzǵa deıin salyq jeńildikterin alady. ıAǵnı, sol ınvestıtsııadan 100 paıyz salyq tólemeıdi. Investıtsııa arqyly shyǵarylǵan ónimge 100 paıyz salyq tólemeıdi. Innovatsııalyq ónimnen alynǵan patentke, qyzmetterge 50 paıyzǵa deıin salyqtan bosatylady», - dedi ol.

Saıasat Nurbektiń aıtýynsha, elimizde de Úkimet basshysy, Qarjy mınıstrligi osyndaı tásilge qoldaý bildirip otyr.

«Salyqqa kelgende memleket ár ýaqytta da ony bergisi kelmeıdi. Biraq, kóndirdik. Alǵash ret 150 paıyzǵa deıin jeńildik beredi. ıAǵnı, jekemenshik kompanııa kelip, bizdiń ǵylymı-zertteý ınstıtýtymen, joǵary oqý ornymen, kez kelgen ǵalymmen kelisimshartqa otyryp nemese sol ǵalymmen birlesip, ınnovatsııaǵa, ǵylymǵa ınvestıtsııa salsa, onda sol ınvestıtsııadan 100 paıyz salyq tólemeıdi. Sonymen qatar sol ınvestıtsııa arqyly shyǵarylǵan ǵylymı ónimderge de 50 paıyz jeńildik jasalady. Demek, bıznesti bir ǵana jolmen yntalandyrýǵa bolady. Ol – salyq jeńildigi», - dedi mınıstr.

Onyń atap ótýinshe, mundaı jeńildik respýblıkalyq komıssııa tarapynan qoldaý tapty. Jańadan ázirlenip jatqan salyq kodeksine de engizildi. 

«Bul zań («Ǵylym jáne tehnologııalyq saıasat týraly» zań) kelesi jyldyń sáýir aıynda qabyldanady dep kútip otyrmyz. 2024 jyldan bastap jańa tetikter jumys isteı bastaıdy», - dedi Saıasat Nurbek.