Ǵylym jáne joǵary bilim mınıstrligi men Huawei ózara túsinistik týraly memorandýmǵa qol qoıdy
Memorandýmǵa qol qoıý QR Ǵylym jáne joǵary bilim mınıstri Saıasat Nurbek bastaǵan Qazaqstan delegatsııasynyń Qytaıǵa resmı sapary aıasynda ótti. Sapar kezinde delegatsııa Huawei basshylyǵymen kezdesti, kompanııanyń mańyzdy nysandaryn aralady jáne ary qaraıǵy yntymaqtastyq perspektıvalaryn talqylady.
Huawei-diń Shenchjendegi shtab-páterinde Qazaqstan delegatsııasy kompanııanyń ozyq ınnovatsııalarymen, sonyń ishinde tsıfrlyq synyptarǵa arnalǵan ınnovatsııalyq sheshimderi men bulttyq platformalarymen tanysty. Sapar barysynda delegatsııa kompanııanyń zamanaýı tehnologııalaryn zerttep, Huawei-diń ınnovatsııalyq sheshimderi kórsetilgen kórme zalyn, Huawei Cloud derekterdi óńdeý ortalyǵyn jáne Dýngýandaǵy HUAWEI zertteý jáne ázirleý ortalyǵyn aralady. Erekshe nazar Smart Classroom – tsıfrlyq synyptardyń zamanaýı tujyrymdamasyn tanystyrýǵa bólindi.
Sonymen qatar Huawei vıtse-prezıdenti Lı Tszıýnfen jáne Huawei Kazakhstan bas dırektory Maks Chjaomen joǵary deńgeıdegi kezdesý ótkizdi. Bul basqosýda yntymaqtastyqtyń odan ári perspektıvalary men seriktestik qatynastardy damytýdaǵy negizgi baǵyttar talqylandy. Sapardyń sharyqtaý shegi – Qazaqstan Respýblıkasynyń Ǵylym jáne joǵary bilim mınıstrligi men Huawei arasynda ózara túsinistik týraly memorandýmǵa saltanatty túrde qol qoıylýy boldy.
«Huawei Qazaqstandaǵy AKT salasyndaǵy talanttardy damytýǵa úlesin qosýdy jalǵastyrady. Sonymen qatar biz Ǵylym jáne joǵary bilim mınıstrligimen jáne ýnıversıtettermen aqyldy synyptar men aqyldy kampýstar salasynda yntymaqtastyqty bastaǵanymyzǵa qýanyshtymyz. Bizdiń maqsatymyz – Qazaqstandaǵy bilim berýdi tsıfrlandyrýǵa yqpal etý», - dep málimdedi Huawei Kazakhstan kompanııasynyń bas dırektory Maks Chjao.
Memorandým aıasynda 2025 jyly aqyldy synyptardyń pılottyq jobalary júzege asyrylady. Yntymaqtastyq týraly kelisim eń úzdik stýdentterge Huawei-de taǵylymdamadan ótý jáne halyqaralyq baıqaýlarǵa qatysý sııaqty biregeı múmkindikter beredi. Sondaı-aq kompanııa jumysqa ornalasýǵa járdemdesý jáne túlekterdi eldiń tsıfrlyq ekonomıkasyna sátti ıntegratsııalaý maqsatynda jumys jármeńkelerin uıymdastyrady.
Huawei-men yntymaqtastyq jańa býyn mamandaryn daıyndaýǵa, sonymen qatar Qazaqstannyń tsıfrlyq ekonomıka salasyndaǵy halyqaralyq ustanymyn nyǵaıtýǵa negiz bolady. Bul qadam bilim deńgeıin arttyrýǵa jáne básekege qabiletti bilim ekonomıkasyn qurýǵa baǵyttalǵan memlekettik tsıfrlandyrý strategııasyn júzege asyrýdyń mańyzdy býyny sanalady. Joba Qazaqstannyń ozyq tehnologııalar men AKT salasyndaǵy zamanaýı daǵdylardy damytýǵa beıildiligin aıqyn kórsetedi, bul eldiń tsıfrlyq transformatsııasynyń tabysty bolýyndaǵy negizgi faktorǵa aınalyp otyr.