Ǵylym mınıstri stýdentter jataqhanasy máselesi qashan sheshiletinin aıtty

<p>ASTANA. KAZINFORM - Ǵylym jáne joǵary bilim mınıstri Saıasat Nurbek elimizdegi joǵary oryndaryn jataqhanamen qamtamasyz etý jumystaryna túsinik berdi.</p>

«Jataqhanalar boıynsha másele áli de ózekti. Qazir orta merzimge arnalǵan sharalar júktemeni azaıtady degen oıdamyn. Jalpy, bul baǵytta aýqymdy ınfraqurylymdyq baǵdarlama kerek ekenin túsinip otyrmyz. Qazir 20 myńnan astam oryn tapshylyǵy bar. Byltyr 43 jataqhana paıdalanýǵa berildi. Bıyl 10 myń orynǵa eseptelgen jataqhanalar tapsyrylady», - dedi S. Nurbek Parlament Májilisinde tilshiler suraǵyna jaýap bere otyryp.

Mınıstr elimizdegi demografılyq ósimdi eskere otyryp, jataqhana tapshylyǵy máselesin sheshý kúrdeli ekenin aıtty.

«Oryn tapshylyǵyn azaıtýǵa bolady. Bizdiń josparymyz aıasynda 2028 jylǵa deıin tapshylyqty 7-10 myń deńgeıine túsirmekpiz. Astana men Almatydaǵy máseleni sheshsek, basqa óńirlerde sonshalyqty tapshylyq joq. Qazir Aqtóbe, Shymkent jáne Túrkistanda suranys birtindep artyp keledi. Bul máseleni arnaıy memlekettik-jekeshelik seriktestiktik arqyly sheshý usynysyn jasadyq. Jekemenshik sektordy jataqhanalar men oqý ǵımarattaryn salýǵa tartamyz», - dedi vedomstvo basshysy.

Budan buryn habarlanǵandaı, elimizde stýdentterdiń 18 paıyzy ǵana jataqhanada turyp jatyr.