Ǵıbadat oryn­dary­nyń mańaıynda qaýipsizdiktiń kúsheıtilgen

ASTANA. QazAqparat - Astana qalasynda Din isteri jáne azamattyq qoǵam mınıstri Nurlan Ermekbaevtyń halyqqa esep berý kezdesýi ótti. Óziniń baıandamasynda N.Ermekbaev vedomstvonyń 2016 jyly atqarǵan jumystyń negizgi nátıjeleri týraly, sonymen qatar bolashaqta mınıstrliktiń aldyna qoıylǵan basty mindetteri týraly aıtyp berdi.

«Mınıstrliktiń quryl­ǵanynan bas­tap bizdiń bar­lyq kúshimiz adamdardyń ómirin jaıly jáne qaýipsiz, olardyń quqyqtary men erkin­dikterin qamtamasyz etýge baǵyttalady. Biz jaýap beretin salalarda mem­lekettik saıa­sattyń árbir qa­zaqstandyq úshin túsinik­ti jáne aıqyn bolýyna ty­rysý­da­myz. Osy jumys­taǵy bas­ty maqsat - azamat­tardyń quqyqtaryn qamta­masyz etý, memleket pen azamattyq qoǵam kúshterin biriktirý, zaıyrly jáne demo­kra­tııalyq prın­tsıp­terdi ny­ǵaıtý» dep atap ótti mınıstr. 

N.Ermekbaetyń máli­me­tinshe, qazirgi tańda elimizde 18 konfessııa jumys isteı­di. Olar 3 658 dinı bir­lestikke birikken. Qazaq­stan­dyqtardyń 15 paıyzy dinı rásimderdi turaqty oryndaıtyndar. Azamat­tar­dyń 75 paıyzy Qudaıǵa senedi, biraq turaq­ty túrde dinı joralardy oryndamaıdy jáne dinı birlestikter qyzmetine tartyl­maǵan. Azamattardyń shamamen 10 paıyzy ózderin  ateıst nemese agnostık dep sanaıdy. 

Mınıstr vedomstvo­ara­­lyq ózara is-qımyldyń bir­qatar mańyzdy nátı­jesi retinde ǵıbadat oryn­dary­nyń mańaıynda qaýipsizdiktiń kúsheıtilgenin atap ótti. «Bul jumystyń nátıjesinde meshitterde tártip buzý úlesi birden tómendedi. Sonymen qatar, dinı materıaldardy taratý arnalaryna turaqty monıtorıng jasaý jolǵa qoıyldy. 2016 jyly tek bizdiń mınıstrlik 10750  saıt­ty zerdeledi. Onyń ishinde 1500-ge jýyq saıttardan zań­syz kontent tabylyp, olar zań tártibimen jabyldy. 2017 jyly monıtorıng obek­tıvine 6 myńnan astam saıt tústi. Onyń ishinde 900-i zań­syz kontent taratqan» dedi ol. Buǵan qosa ol áleýmettik jelilerge, kitap, baspa ónimderine saraptama júrgizilgendigin tilge tıek etti. «2017 jyly 1,5 myńnan astam obekti saraptamadan ótti. Onyń ishinde 54 materıal quqyqqa qaıshy kontenti bar dep tanyldy.

Sonymen qatar Qylmystyq-atqarý júıesi komıtetiniń barlyq kitaphana qoryna saraptama júrgizildi. Onyń barysynda 2017 jyly 13 kitap destrýktıvti mazmunda dep tabyldy. Mınıstrlik jumysynyń taǵy da bir mańyzdy nátıjesi - ekstremızmniń aldyn alý salasynda Qaıta daıarlaý ınstıtýtyn qurýy. Ol mınıstrliktiń ádistemelik qoldaýymen «Nur Múbárak» ýnıversıteti bazasynda jumys isteıdi. 2016 jyldyń qazan aıynan bastap osy ınstıtýttan 40 ımam men teolog mamandar daıyndyqtan ótti», dedi N.Ermekbaev.

Mınıstrlik úkimettik emes uıym­darmen granttar jáne memlekettik áleý­mettik tapsyrys negizinde jobalyq ynty­maq­tastyqty damytýda. 2017 jyly granttyq qarjylandyrý 3 ese artyp, 650 mln teńgeni quraǵan. Jyldyń basynda ekspert­tik komıssııa 42 grantty bergen. Barlyǵy 183 uıymnan 320 ótinish  qarastyrylǵan. «Biz 2016 jyly joba­lar­dyń tek qana respýblıkalyq deńgeıde bolýy jaıly úkimet­tik emes uıymdardyń synyn eskerdik. Bıyl grant­tardyń úshten bir bóligi óńir­lerdegi jumysty jáne jergi­likti qaýymdastyqtyń damýyn eskeredi. Keıin bul ten­dentsııa ary qaraı damı bere­tin bolady», dedi mınıstr.

Sóz sońynda Din isteri jáne azamattyq qoǵam mı­nıstri júrgizilgen jumystar mı­nıstrliktiń 2016 jylǵa arnalǵan strategııalyq jos­pa­rynyń mejelengen kór­set­kishterine qol jetkizýge múmkindik bergenin atap ótti. «Áleýmettik zertteýler Din sala­syn­daǵy mem­le­kettik saıasatty halyqtyń qol­daý deńgeıi 87 paıyzdy qu­raǵanyn, azamattyq qoǵam ınstıtýttary men memlekettiń ózara qarym-qatynasyn jaq­sy baǵalaý 60 paıyzǵa jetke­nin, memlekettik jastar saıa­satynyń iske asyrylýyna rızashylyq bildirgender 75 paıyzdy quraǵanyn kór­setti», dedi N.Ermekbaev.