Golovkın óziniń Ulttyq olımpıada komıtetiniń prezıdenttigine usynylǵanyn bile me

<p>ASTANA. KAZINFORM &ndash; Ulttyq Olımpıada komıteti Sport departamentiniń dırektory Elsııar Qanaǵatov UOK prezıdenttigine áıgili boksshy Gennadıı Golovkınniń usynylǵany týraly málimetke pikir bildirdi.&nbsp;</p>

«Qazir uıymdastyrý jumystary júrip jatyr. Ulttyq olımpıada komıtetiniń óz assambleıasy bolady. Onyń óziniń tártibi bar. Soǵan sáıkes jumystar atqarylyp jatyr», — dedi ol Týrzım jáne sport mınıstrliginiń alqa májilisinen keıin.

«Golovkınniń kandıdatýrasyn kim usyndy? Ol ózi kandıdatýrasy usynylǵanyn bile me?» — dep naqtylady jýrnalıst.

«Federatsııalar usynǵan sııaqty. Mende ondaı aqparat joq. Nege deseńiz, ol máselemen bizdiń zańǵa baılanysty adamdar jumys istep jatyr», — dedi Elsııar Qanaǵatov.

Eske salaıyq, eldegi BAQ Gennadıı Golovkın Ulttyq olımpıada komıtetiniń prezıdenttigine usynylǵany týraly jazǵan bolatyn.