GGG promoýteri «Kanelomen» úshinshi jekpe-jek týraly jańa málimdeme jasady

ASTANA. QazAqparat - Qazaqstandyq boksshy Gennadıı Golovkınniń (38-1-1, 34 KO) promoýteri meksıkalyq Saýl Alvarespen (50-1-2, 34 KO) ótýi múmkin úshinshi kezdesý týraly jańa málimdeme jasady, dep habarlaıdy Sports.kz.

«Biz Golovkın úshin jaqsy mámile jasaýǵa áreket etip júrmiz. Ol - eń tanymal chempıondardyń biri. Men ony áli kúnge chempıon dep sanaımyn, óıtkeni ekinshi kezdesýde jeńilmegenin sezemin. Golovkınniń «Kanelomen» úshinshi márte judyryqtaspaýyna eshqandaı sebep joq. Qarjy jaǵynan da bul olar úshin eń úlken, mańyzdy jekpe-jek bolar edi. Úshinshi jekpe-jek úlken qyzyǵýshylyq týǵyzady dep oılaımyn. Bizdiń taraptan eshqandaı jaltarýshylyq joq», - dedi Leffler The Ring-ke bergen suhbatynda.