GGG ne sebepti Djeıkobs pen «Kanelonyń» aıqasyn ish pystyrarlyq dep baǵalady
08:28, 31 Mamyr 2019
NUR-SULTAN. QazAqparat - Jýrnalıster Gennadıı Golovkınnen Saýl Alvares (52-1-2, 34 KO) pen Denıel Djeıkobs (35-3, 29 KO) arasyndaǵy jekpe-jekti «ish pystyrarlyq sparrıng» dep ataýynyń sebebin surady, dep habarlaıdy QazAqparat Sports.kz-ke silteme jasap.
«Ol jekpe-jek joǵary sapaly sparrıng sııaqty boldy. Drama Show deıtindeı eshteńesi bolǵan joq. Aıqastyń sapasy jaqsy boldy, biraq jeńil-jelpi ótti. Ol tek men úshin ǵana emes, jurttyń bári úshin de qyzyqsyz boldy - arenany bárińiz de estidińizder. Sol keshte ekeýi de ish pystyrardaı júrdi. Kásipqoı boksshy ymyrasyz aıqasty birden tanıdy», - deıdi Golovkın.
Eske sala keteıik, 4 mamyr kúni Las-Vegastaǵy (AQSh) T-Mobile Arena-da Alvares Djeıkobsty tóreshilerdiń sheshimimen jeńgen bolatyn.