Germanııanyń soltústiginde dıversııa saldarynan poıyzdar toqtap qaldy

BERLIN. QazAqparat – Deutsche Bahn temirjol operatorynyń málimetinshe, «baılanys ınfraqurylymyna qarsy baǵyttalǵan sabotaj aktisi» 8 qazan kúni tańerteń Germanııanyń soltústigi men soltústik-batysynda poıyzdar qozǵalysynyń toqtaýyna ákeldi, dep habarlaıdy QazAqparat Euronews-ke silteme jasap.

Dıversııa saldarynan Berlınniń negizgi temirjol vokzalyndaǵy poıyzdar, atap aıtqanda, el astanasy men Keln arasyndaǵy qozǵalys toqtap qaldy. Barlyq júrdek jáne aımaqtyq poıyzdar, sondaı-aq júk tasymaly shamamen 3 saǵatqa toqtady.

Deutsche Bahn kontserniniń ókili munyń sebebi radıobaılanys júıesiniń jumysyn qamtamasyz etetin kabeldermen baılanysty dıversııa ekenin aıtty, onsyz poıyzdardyń qozǵalysy múmkin emes. Habarlanǵandaı, aqaý joıyldy.

Vıdeodan alynǵan kadr