Germanııanyń Mıýnster qalasynda kólik jaıaý júrginshilerdi qaǵyp ketti
22:23, 07 Sáýir 2018
BRıÝSSELЬ. QazAqparat - Germanııanyń Mıýnster atty qalasynda avtomobıl jaıaý júrginshilerdi qaǵyp ketti, dep habarlaıdy «QazAqparat» HAA.
Qala polıtsııasy óziniń Twitter-degi mıkroblogynda atalǵan oqıǵanyń saldarynan mert bolǵandar da zardap shekkender de bar ekendigin jazdy jáne qalyń kópshilikti Mıýnster qalasynyń ortalyǵyna barmaı tura turýdy surady.
Spiegel jýrnalynyń jazýynsha, bılik ókilderi bul oqıǵany terakt dep baǵalap otyr. Qylmysker ózin-ózi óltirdi degen de habar bar. Basylymnyń jazýynsha, zardap shekkender sany 30-dy qurap otyr.
Mıýnsterdiń ortalyǵyn tártip saqshylary qorshaýǵa alyp, qazir onda keń aýqymdy arnaıy operatsııa júrip jatyr.
Polıtsııa halyqty tekserilmegen, jalǵan aqparattardy jeli arqyly taratpaýǵa shaqyryp otyr.