Germanııanyń Leverkýzen qalasyndaǵy hımııa zaýytynda joıqyn jarylys boldy
Keıbir derekter boıynsha, apat Bayer hımııa-farmatsevtıka kompanııasynyń nysandarynyń birinde bolǵan. Taǵy bir derekte apat Currenta hımııa kásipornynda, ıaǵnı munaı bazasynda bolǵan. «Apat qoqys órteıtin zaýytta bolǵan» degen boljam bar.
Ázirge zardap shekkender týraly habar túspegen. Kýágerlerdiń aıtýynsha, oqıǵa ornynan aspanǵa qara tútin býdaqtap kóterilgen. Tútin Býrshaıd jáne Laıhlıngen baǵytynda kóshken.
Bıýrrıgke qutqarý qyzmetteri keldi. Leverkýzen polıtsııasy turǵyndardy páterinen shyqpaýdy, tereze men esikti ashpaý kerektigin eskertti.
FOCUS Online-niń dereginshe, Leverkýzenniń Kelnge aparatyn aýdanyndaǵy avtomagıstraldiń bir bóligi jabylǵan. A pattyń sebebi ázirge belgisiz.
Boljam boıynsha, aýmaǵynda jarylys bolǵan hımııa zaýytynda 5 myńnan asa túrli hımıkat óndiriledi. Olardyń qatarynda azottaý jáne hlorlaý protsesterine arnalǵan zattar, hosh ıisti kómirsýtekter, jeńil hımıkattar bar. Kádege jaratý jáne qaıta óńdeý ortalyǵynda hımııalyq lastanǵan qaýipti qaldyqtar qaıta óńdeledi.