Germanııaǵa jańa áskerı odaq qurý usynyldy

<p>ASTANA. KAZINFORM &ndash; Germanııada AQSh-tan táýelsiz jańa áskerı odaq qurý týraly usynys aıtyldy &mdash; habarlaıdy <a href="https://m.gazeta.ru/army/news/2024/02/04/22262917.shtml" target="_blank" rel="noopener">m.gazeta.ru </a>saıty.</p>

Germanııanyń iri ekonomıkalyq ortalyqtarynyń biri bolyp sanalatyn Gessen federaldy aımaǵynyń basshysy Borıs Raın Eýropaǵa AQSh-tan tys óziniń áskerı odaǵyn qurýdy usyndy. 

Ol Reseıge tosqaýyl qoıyp, «qorqytý» maqsatynda ıadrolyq arsenaldy qoldanýǵa bolatyndyǵyn atap ótti.

«Jalpy qorǵanys úshin, Eýropalyq ıadrolyq qolshatyr retinde, shekara qaýipsizdigi men bizdiń mańyzdy ınfraqurylymymyzdy qorǵaý maqsatynda qaýipsizdik jaǵynan kúshti Eýropalyq odaqtyń bolǵanyn qalaımyz» — deıdi Raın.

Onyń aıtýynsha, buǵan deıin Reseı prezıdenti Vladımır Pýtın «Reseı men Eýropa arasyndaǵy qarym-qatynasty ózi buzbaǵanyn, kerisinshe Eýropa elderi Reseı Federatsııasynyń múddesin eskermedi» dep málimdeme jasaǵan. Pýtın sonymen qatar Reseı Federatsııasy AQSh-pen qarym-qatynas ornatýǵa daıyn ekenin aıtty, alaıda oǵan áli qolaıly jaǵdaı joq.

«Sondaı-aq, Reseı Federatsııasynyń Syrtqy ister mınıstri Sergeı Lavrov "Prımakov oqýlary" Halyqaralyq ǵylymı-saraptamalyq forýmynda Reseı Eýropanyń ekonomıkalyq "tóńkeristerine" táýeldi bolýdy qalaı toqtatý kerektigi týraly oılanýy kerek dep málimdedi. Onyń aıtýynsha, qazir Eýropamen qarym-qatynasty qalpyna keltirý joldary týraly oılaýdyń qajeti joq» — deıdi Raın óz málimdemesinde.