Germanııaǵa kelgen bosqyndar sany ósýde
Atap aıtqanda, osy jyldyń tamyzynda nemis-polıak shekarasynda 209 adam ustalǵan. Olardyń basym bóligi Taıaý Shyǵys elderinen kelgen. Qyrkúıekte olardyń sany 1164-ke jetken. Qazanda Germanııaǵa baspana izdep kelgender sany 2 myń adamǵa jýyqtaǵan. Zańsyz bosqyndar Polshamen shektesetin Brandenbýrgke, Meklenbýrg-Batys Pomeranııa jáne Saksonııaǵa kelip jatyr. Nemis-polıak shekarasynyń uzyndyǵy 460 shaqyrymdy quraıdy. 2021 jyly GFR-ge 80 myń adam baspana surap, ótinish jibergen.
Germanııa bıligi qorǵanys sharalarynyń biri retinde kórshi Polshadan Belarýspen shekarany qorǵaýdy kúsheıtýdi surap otyr. Shekara jabylmaıdy, dep rastady Germanııa ishki ister mınıstri Horst Zeehofer. Shekaradaǵy qozǵalys toqtasa eki eldiń ekonomıkasy da zardap shegedi.