Germanııadaǵy sý tasqyny: Qurban bolǵan adam sany 60-qa jýyqtady

BERLIN. QazAqparat – Germanııadaǵy sý tasqynynan qurban bolǵandar sany 59 adamǵa jetti. Júzdegen adam habar-osharsyz ketti, dep habarlaıdy QazAqparat Deutsche Welle basylymyna silteme jasap.

«Bernd» tsıklonynyń saldarynan GFR-dyń Reınland-Pfalts federaldyq jerindegi Arvaıler aýdanyna jaýǵan nóser jaýynnan 6 úı qulady, taǵy birneshe ǵımarat qulaǵaly tur.

Bul týraly beısenbi, 15 shilde kúni Berlınde federaldyq polıtsııanyń resmı ókili málimdegen.

Naqtylanǵan derekter boıynsha Germanııanyń batysyndaǵy ártúrli aýdandarda kem degende 59 adam kóz jumdy.

Sonymen, Koblents polıtsııasy Reınland-Pfalts federaldy jerinde 28 adam qurban bolǵanyn, Kelndegi polıtsııa Soltústik Reın -Vestfalııada taǵy 31 adamnyń qaıtys bolǵanyn habarlady.

Eki federaldy jerdiń ondaǵan turǵynnyń habar-osharsyz ketkeni týraly habarlandy.

Alaıda, keshke qaraı Bad-Noıenar-Arveıler okrýginiń bıligi 1 300 adam habar-osharsyz ketti dep málimdedi.

Okrýg ákimshiliginiń ókili bul aımaqta uıaly baılanystyń bolmaýyna baılanysty bolýy múmkin dep túsindirdi.

Arveıler aımaǵynda úzdiksiz jaýǵan nóser men sý tasqynynyń saldarynan tótenshe jaǵdaı jarııalandy.

Buǵan deıin Germanııada sý tasqyny saldarynan qurban bolǵandar sany 43-ke jetkeni habarlanǵan bolatyn.