Germanııadaǵy mektepter koronavırýs oshaǵyna aınaldy

NUR-SULTAN. QazAqparat – Germanııada mektepter koronavırýs oshaǵyna aınalyp otyr, dep habarlaıdy QazAqparat VVS silteme jasap.

Germanııadaǵy kóptegen mektepterde eki apta buryn oqý bastalǵan bolatyn. Berlındegi 825 mekteptiń 41-nen koronavırýs anyqtalǵan. Vırýs juqtyrǵandar arasynda bastaýysh synyp pen joǵary synyp oqýshylary bar. Qazirdiń ózinde júzdegen oqýshylar men muǵalimder karantınge jabylǵan.

Sonymen qatar, mektepterdegi koronavırýs oshaǵy AQSh shtattary men Izraılde de anyqtaldy.

Eske salsaq, buǵan deıin Germanııada koronavırýs juqtyrǵandar sany ósip, bir táýlikte 2 myń adamnan qaýipti vırýs belgileri tabylǵany týraly habarlaǵan edik.