Germanııadaǵy gaz qory rekordtyq deńgeıge jetti

BERLIN. QazAqparat - Germanııa gaz qoımalary shekti deńgeıge deıin toltyrylǵan. Ondaǵy gaz kólemi tarıhı maksımýmǵa jetti, dep habarlaıdy QazAqparat DW-ge silteme jasap.Nemis gaz qoımalaryndaǵy tabıǵı gaz qory rekordtyq deńgeıge jetti.

Eýropalyq gaz saqtaý operatorlary jarııalaǵan málimetterge sáıkes, 24 qazanda 239,64 teravatt-saǵat kólemi jınaqtaldy jáne osylaısha 2019 jyldyń 10 qarashasyndaǵy aldyńǵy rekordtan asyp tústi, ol kezde 239,62 TVt. saǵ tirkelgen bolatyn.

«Ótken aptanyń dúısenbisinen bastap Germanııada gaz qory rekordtyq deńgeıde», - dedi INES (Initiative Energien Speichern) salalyq birlestiginiń atqarýshy dırektory Sebastıan Bleshke (Sebastian Bleschke).

Sodan beri bul kórsetkish, 29 qazandaǵy aldyn ala málimetterge sáıkes, 241,62 TVt. saǵ deıin ósti.

Salystyrmaly túrde, Federaldy jelilik agenttiktiń málimeti boıynsha, Germanııada 2022 jyldyń qańtary men aqpanynda barlyǵy 227 teravatt-saǵatqa jýyq tabıǵı gaz tutynylǵan.

Foto: www.dw.com