Germanııadaǵy Erıtreıa festıvaliniń sońy tártipsizdikke ulasty

GISEN.QazAqparat – Gısendegi etnofestıval qarsylastary ony Erıtreıanyń avtorıtarlyq bıligin qoldaý quraly dep sanaıdy. Tártipsizdik saldarynan kem degende 26 polıtseı jaraqat alyp, 100-ge jýyq adam ustaldy, dep habarlaıdy QazAqparat DW-ge silteme jasap.

Senbi, 8 shilde kúni Germanııanyń Gısen qalasynda (Gessen federaldy shtaty) Erıtreıa mádenıetiniń festıvalin ótkizýge baılanysty kóshedegi tártipsizdikter saldarynan 26 polıtsııa qyzmetkeri jaraqat aldy. Tártipsizdikter saldarynan kem degende 100 adam qamaýǵa alyndy, dep habarlady Frans Press. Denege zııan keltirý jáne tártip buzý faktileri boıynsha ondaǵan tergeý bastaldy.
Gessen polıtsııasynyń málimdemesine sáıkes, festıvalge qarsy narazylyq bildirýshiler sherý uıymdastyrǵan. 250-ge jýyq adam qatysyp, sherý aıaqtalǵan soń 150-ge jýyǵy qala joldaryn jaýyp tastady. Kelisilmegen aktsııany taratý kezinde oǵan qatysýshylar tártip saqshylaryna tas pen bótelke laqtyryp, tútin shyǵaratyn bombalar jaryp, qorshaýlardy buzǵan.
Sherýshiler Erıtreıadaǵy avtorıtarlyq úkimetti synady
Gısendegi Erıtreıa etnomádenı festıvali 2011 jyldan beri ótkizilip keledi. Mádenı sharanyń shyrqyn buzý áreketteri birinshi ret emes - 2022 jylǵy qarsylyq bildirgender demonstratsııasy da polıtsııamen qaqtyǵysqa ulasty. Festıvaldi synaıtyndar negizinen avtorıtarlyq úkimettiń áreketine baılanysty elden ketken Erıtreıa azamattary, dep jazady T-Online. Erıtreıadan qashqan azamattardyń sany ondaǵan myń.
Buqaralyq aqparat quraldarynyń habarlaýynsha, bul shara Erıtreıa bıligine jaqyn uıymnyń qamqorlyǵymen ótip jatyr jáne Erıtreıa nasıhatynyń quraly bolyp sanalady. Bul el Efıopııadan táýelsizdigin jarııalaǵan 1993 jyldan beri jumys istep kele jatyr. Sondaı-aq 30 jyldan astam ýaqyt Isaıas Afverkı Erıtreıa prezıdenti boldy.

Buqaralyq aqparat quraldarynyń habarlaýynsha, is-shara Erıtreıa bıligine jaqyn uıymnyń qoldaýymen ótkiziledi.