Germanııadaǵy bosqyndar sany eń joǵary deńgeıge jetti

<p>ASTANA. KAZINFORM &ndash; Qazirgi ýaqytta Germanııada bosqyndar, baspana izdeýshiler nemese pana berýden bas tartylǵandar retinde tirkelgen 3,5 mıllıon sheteldik azamat bar. Olar elde qalady, óıtkeni qazirgi ýaqytta deportatsııalaý múmkin emes. Bul jańa maksımaldy kórsetkish. Bul týraly 20 qyrkúıekte Germanııadaǵy sheteldikterdiń ortalyq tiziliminiń derekterinde habarlandy, dep jazady <a href="https://www.dw.com/ru/cislo-bezencev-v-germanii-dostiglo-novogo-maksimuma/a-70278136" target="_blank" rel="noopener">DW</a> basylymy Neue Osnabr&uuml;cker Zeitung gazetine silteme jasap.</p>

Qujatta 2024 jyldyń birinshi jartysynyń sońynda Germanııada gýmanıtarlyq negizde baspana suraǵan sheteldikterdiń úsh sanatynyń birine jatatyn 3,48 mıllıon adam ómir súrgen. Bul 2023 jyldyń sońyndaǵy kórsetkishten 60 myńǵa kóp. Mundaı kórsetkish Germanııada sońǵy ret 1950 jyldary tirkelgen.

Tizilimge basqalarmen qatar 1,18 mıllıon ýkraındyq bosqyn engizilgeni atap ótildi. 2023 jyldyń sońynan bastap olardyń sany 45 myń adamǵa artty.

Al Germanııadan shyǵarylatyn sheteldikter sany azaıdy. 2024 jyldyń ortasyndaǵy jaǵdaı boıynsha 226 882 adam bolsa, 2023 jyldyń aıaǵynda odan 15 760 adamǵa kóp boldy. Sonymen birge, Germanııada bosqyn mártebesin alýǵa quqyǵy joq sheteldikterdiń 80,5 paıyzy óz otanyndaǵy jaǵdaı birden deportatsııalaýǵa múmkindik bermeıdi degen negizde ýaqytsha elde qalady, delingen habarda.