Germanııadaǵy barlyq Volkswagen zaýyttary 2 jeltoqsannan bastap jumysyn toqtatady

<p>ASTANA. KAZINFORM &ndash; VW basshylyǵy jumystan bosatý jáne jumysshylardyń jalaqysyn qysqartý josparlarynan bas tartpaǵandyqtan, kásipodaq kontsernniń zaýyttarynda ereýilder ótkizýge nıetti, dep jazady <a href="https://www.dw.com/ru/na-zavodah-volkswagen-2-dekabra-nacnutsa-predupreditelnye-zabastovki/a-70930712" target="_blank" rel="noopener">DW</a>.</p>

Germanııanyń IG Metall kásipodaq uıymy Volkswagen avtokontserniniń qyzmetkerlerin 2 jeltoqsan, dúısenbide barlyq VW zaýyttarynda bastalatyn jalpyulttyq eskertý ereýiline shaqyrdy. Bul týraly jeksenbi, 1 jeltoqsanda Tómengi Saksonııa federaldy shtatyndaǵy IG Metall aımaqtyq keńsesiniń basshysy Torsten Greger (Thorsten Gröger) málimdedi.

Jeksenbige, 1 jeltoqsanǵa qaraǵan túni Volkswagen (VW) avtokontserniniń jumysshylary men basshylyǵy arasyndaǵy eńbek daýlaryn beıbit jolmen sheshýge mindetteıtin kelisimniń merzimi aıaqtaldy. 

– Biz kelissózder ústelinde ymyraǵa kelýge daıyn ekenimizdi kórsettik, biraq bizdiń usynysymyz qabyldanbady. Endi kompanııa nazardan tys qaldyra almaıtyn ereýilder bolady. Jaqyn arada barlyq zaýyttarda óndiris ýaqytsha toqtatylady, – dedi kásipodaq ókili.

Jalaqy boıynsha kelissózder 9 jeltoqsanda jalǵasady dep josparlanǵan.

Volkswagen Germanııada 10 zaýytty basqarady, onyń altaýy Tómengi Saksonııada, úsheýi Saksonııada jáne bireýi Gessende. Germanııadaǵy kontsern zaýyttarynda shamamen 120 myń adam jumys isteıdi, olardyń jartysyna jýyǵy Volfsbýrgte.

Buǵan deıin habarlaǵanymyzdaı, Hyundai, Kia jáne Genesis 208 myń elektr kóligin keri qaıtaryp jatyr.