Germanııada júrgizýshi velosıpedshilerdi qaǵyp ketti, zardap shekkender bar

NUR-SULTAN. QazAqparat - Kúdikti óz ákesin óltirip, artynsha tórt velosıpedshini qaǵyp ketken, olardyń biri qaıtys boldy, dep habarlaıdy QazAqparat tilshisi Deutsche Welle agenttigine silteme jasap.

Jeksenbi kúni Germanııanyń ońtústik-batysyndaǵy Mangeım qalasynda júrgizýshi tórt velosıpedshini qaǵyp ketti. Úsh adam aýyr jaraqat alyp, aýrýhanaǵa jetkizildi, 71 jastaǵy bir áıel qaıtys boldy. Kúdikti qatty zaqymdalǵan kóligin tastap, Reın ózenine sekirip qashpaq bolǵan.

37 jastaǵy er adamdy izdestirý jáne ustaý úshin quqyq qorǵaý organdary polıtsııa tikushaǵyn jáne ózen polıtsııasyn tartty.

Polıtsııanyń málimetinshe, oqıǵadan az ýaqyt buryn ustalǵan er adam Mangeımnen batysqa qaraı 16 shaqyrym jerde ornalasqan Reınland-Pfalts shtatyndaǵy Ellershtadt qalasynda ákesin óltirdi degen boljam bar. Tergeý jalǵasýda.