Germanııada vırýstyń «úndi shtamy» taralýda

NUR-SULTAn. QazAqparat - Eń ystyq qurlyq elderi gýmanıtarlyq kómekke muqtaj. Afrıkanyń shyǵysynda ornalasqan Ýganda kórshiles elderden COVID-19 ınfektsııasyn juqtyrǵan naýqastardy emdeý úshin ottegi apparatyn jetkizýdi surady. Bul týraly Sanıtarııalyq-epıdemıologııalyq baqylaý komıtetiniń baspasóz qyzmeti habarlady.

Kem degende 15 myń ottegi ballondary qajet. Elde koronavırýstyń delta nusqasy taralýda. 44,2 mıllıon turǵyny bar Ýgandada, pandemııa basynan beri COVID-19 aýrýynyń 67 215 jaǵdaıy anyqtalyp, 542 adam qaıtys bolǵan. Alaıda, naqty derekter áldeqaıda kóp bolýy múmkin.

Germanııa astanasy túngi ómiri qaıta qalypqa kele bastady. Berlınde uzaq úzilisten keıin, túngi klýbtar óz jumysyn jalǵastyrdy. Biraq karantın shekteýleri áli de qoldanylady. Kelýshiler sany 250 adamnan aspaýy tıis. Sonymen qatar, mekeme qonaqtarynda COVID-19 aýrýynyń teris nátıjesi, KVI-ǵa qarsy vaktsınatsııa nemese jaqyn arada aýrýdan aıyqqany týraly anyqtamasy bolý kerek.

Japonııa Olımpıada oıyndaryna qatysatyn eriktilerdi vaktsınatsııalaýdan ótkizedi. Tokıodaǵy álemdik deńgeıdegi sporttyq saıys 23 shilde men 8 tamyz aralyǵynda ótedi. Sportshylarmen tyǵyz baılanysta bolatyndardyń barlyǵy ekpe saldyrýy qajet. Atap aıtqanda, Olımpıadalyq aýyldyń, áýejaıdyń qyzmetkerleri, Olımpıadalyq jáne Paralımpıadalyq komıtetterdiń ókilderi jáne basqa eriktilerdiń barlyǵy vakınatsııany qabyldaıdy. Halyqaralyq olımpıada komıteti vaktsınanyń 40 myń dozasyn usynyp otyr.

Germanııada vırýstyń «úndi shtamy» taraýda. Robert Koh ınstıtýtynyń basshysy Lotar Vıler el turǵyndaryn saqtyq tanytyp, shekteý sharalary men sanıtarlyq erejelerdi qatań ustanýǵa shaqyrdy. Onyń málimdeýinshe, koronavırýstyq ınfektsııanyń «delta» nusqasy, atalmysh mýtatsııa bolashaqta vırýstyń eń keń taralǵan túri bolýy múmkin ekenine kúmán keltirmeıdi. DSU málimeti boıynsha, KVI-nyń delta-nusqasy álemniń 80 elinde tirkelip úlgergen.

Eýrokomıssııa kelisimshartta kórsetilgen vaktsına kólemin tolyq qamtamassyz etpegeni úshin , AstraZeneca kontsernin sotqa berdi. Brıýsseldegi birinshi ınstantsııadaǵy sot AstraZeneca farmkontsernin qyrkúıektiń sońyna deıin Eýroodaqqa koronavırýstyq ınfektsııaǵa qarsy vaktsınanyń 50 mıllıon dozasyn jetkizýge mindettedi. Bul talap oryndalmaǵan jaǵdaıda, bir doza úshin 10 evro aıyppul salynady.