Germanııada terakt jasamaq boldy degen kúdikpen tórt adam ustaldy

BRıÝSSELЬ. QazAqparat – Nemis polıtseıleri sársenbi kúni terakt jasamaq bolǵan kúdiktilerdi ustady, olar Tájikstan azamattary, dep habarlaıdy QazAqparat Reuters agenttigine silteme jasap.

Germanııanyń batysyndaǵy Soltústik Reın-Vestfalııa jeriniń quqyqqorǵaýshylary kúdiktilerdi Essen jáne Dıýsseldorf qalalarynyń mańynda tutqyndady. Tórteýi de Tájikstannan shyqqan, DAISh músheleri.

Tutqyndalǵan tórt azamat sońǵy jylda qamaýda otyrǵan besinshi jaqtasymen birge Aýǵanstan men Sırııadaǵy DAISh ókilderimen baılanysyp, nusqaý alyp otyrǵan.

Germanııadaǵy AQSh qarýly kúshteriniń mekemesi nemese jeke tulǵalar shabýyl qurbanyna aınalar edi. Kúdiktiler kópshilik aldynda ıslamǵa qatysty synı oılar aıtqan adamdy óltirýdi josparlaǵan.