Germanııada sý tasqynyna baılanysty áskerı apat rejımi engizildi
Dúısenbiden beri aımaqta eki aılyq mólsherde jaýyn jaýyp, Reınniń eki salasy – Ar jáne Mozel jáne birneshe kishirek ózen arnasynan asty.
Ásirese Soltústik Reın-Vestfalııa jáne Reınland-Pfalts jerleri zardap shekti. Topyraqtyń shógýine baılanysty keıbir úıler qulady. Al keıbir turǵyndar kóterilip jatqan sýdan qashyp, shatyrda kómek kútýge májbúr boldy. Óńirde qutqarýshylar men 900-ge jýyq áskerı qyzmetshi jumys isteıdi.
Sý tasqyny saldarynan júzden astam adamnyń ólimi rastaldy. Taǵy myńǵa jýyǵy habar- osharsyz ketken. Bılik olardyń sany az bolýy múmkin ekenin aıtady. Alaıda joldardy sý basyp, uıaly jeliniń bolmaýyna baılanysty kóptegen adamdar zardap shekken aýdandarda turatyn týystarymen habarlasa almaı otyr.
Germanııa prezıdenti Frank-Valter Shtaınmaıer qaıtys bolǵan jandardyń otbasyna kóńil aıtyp, qoldaý bildirdi. Sondaı-aq elderdi jahandyq jylyný men klımattyń ózgerýine qarsy turý úshin kóp kúsh salýǵa shaqyrdy.
Esterińizge sala keteıik, osyǵan deıin Germanııadaǵy sý tasqynynan qurban bolǵandar sany 59 adamǵa jetkeni jáne júzdegen adamnyń habar-osharsyz ketkeni habarlanǵan bolatynbyz.