Germanııada koronavırýs juqtyrǵan Qazaqstan azamaty aýrýhanadan shyqty
18:53, 24 Naýryz 2020
NUR-SULTAN. QazAqparat - Germanııada koronavırýs juqtyrǵan Qazaqstan azamaty aýrýhanadan shyqty. Bul týraly «Habar 24» telearnasynyń tikeleı efırinen QR Aqparat jáne qoǵamdyq damý mınıstri Dáýren Abaev aıtty, dep habarlaıdy QazAqparat tilshisi.
«Germanııada koronavırýs ınfektsııasymen aýrǵan azamatymyzdyń densaýlyǵy jaqsardy. Ony qazirgi ýaqytta aýrýhanadan shyǵarǵan. Ol búginde nemis dárigerlerdiń baqylaýymen karantınde jatyr. Vengrııadaǵy azamatshamyzdyń jaǵdaıy qanaǵattanarlyq, aýrýhanada em-dom alyp jatyr. Dılomattarymyz onymen jáne dárigerlermen baılanysyp otyr», - dedi mınıstr.