Germanııada karantın sharalary qaıta kúsheıtilýi múmkin
Eýropa elderi Covid-19 pandemııasynyń úshinshi tolqyny kezeńinen ótýde. Germanııa kantsleri Angela eger jaǵdaı kúrdelense karantın sharalaryn qaıta engizýge týra keletinin aıtty.
Brıtandyq Astro-Zenika vaktsınasynyń qaýipsizdigine alǵashqylardyń biri bolyp kúmán keltirgen Germanııanyń Densaýlyq saqtaý mınıstri Iens Shpan Eýroodaqta aýrý juqtyrýdyń jańa oqıǵalarynyń sanyn aıtarlyqtaı azaıtý úshin vaktsına dozalary jetkiliksiz ekenin moıyndady.
«Jaǵdaıdy ádil baǵalaýymyz kerek. Eýropada pandemııanyń úshinshi tolqynyn tek vaktsınalaý baǵdarlamasyna súıene otyryp toqtatý úshin vaktsınanyń qajetti sany jetkiliaksiz. Aýrýǵa shaldyqqandar sany ósip keledi, mýtatsııalaý (aýrýdyń budan da juqpaly formalary) sany kóp, bizdi alda qıyn aptalar kútip otyr», - dedi ol.
El úkimeti aldaǵy Pasha demalystaryna qatysty alańdaýshylyq bildirip otyr. Bılik azamattardy demalysta saparǵa shyǵýdan bas tartyp, merekeni tek otbasymen birge qarsy alýǵa shaqyrdy.
Qazirgi kezde Germanııa azamattarynyń 8 paıyzy ǵana vaktsınanyń birinshi dozasyn saldyrtqan, al Brıtanııada bolsa ekpe saldyrtqandardyń úlesi – 39 paıyz.
Dúısenbi kúni Merkel jańa, budan da qatań karantın sharalaryn engizý úshin federaldyq óńir basshylarymen kezdesedi.