Germanııada festıvalǵa kelýshilerge pyshaqpen shabýyl jasaldy

<p>ASTANA. KAZINFORM &ndash;Germanııanyń batysyndaǵy Zolıngende qala kúnin toılap jatqandarǵa belgisiz bireýdiń pyshaqpen shabýyl jasaýy saldarynan keminde úsh adam qaza taýyp, taǵy tórt adam jaraqat aldy, dep jazady <a href="https://www.dw.com/ru/na-posetitelej-festivala-na-zapade-germanii-napali-s-nozom-est-zertvy/a-70037504" target="_blank" rel="noopener">DW</a>.</p>

23 tamyz, juma kúni Germanııanyń Zolıngen qalasynda (Soltústik Reın - Vestfalııa) qalanyń 650 jyldyǵyn toılaý qaıǵyly oqıǵaǵa ulasty. Este qalarlyq dataǵa arnalǵan festıval kezinde qalanyń ortalyq alańyna jınalǵandarǵa belgisiz bireý pyshaqpen shabýyl jasaǵan.

Shabýyl saldarynan kem degende úsh adam qaza taýyp, taǵy tórteýi aýyr jaraqat aldy, dep habarlady Zolıngen okrýgine baǵynysty Dıýsseldorf polıtsııa basqarmasy.

25 tamyzǵa deıin jalǵasýy tıis merekelik sharalar toqtatylyp, turǵyndardan qalanyń ortalyq aýdandaryna barmaýǵa keńes berildi. Shabýyldaýshy oqıǵa ornynan qashyp ketken, polıtsııa qyzmetkerleri ony izdep jatyr.