Germanııada er adam kovıdke qarsy 217 ret ekpe salǵyzdy

<p>ASTANA. KAZINFORM &ndash; Zertteýshilerdiń aıtýynsha, sońǵy 29 aıda COVID-19 týdyratyn vırýsqa qarsy 217 doza vaktsına alǵan nemis azamatynan eshqandaı janama áseri baıqalmaǵan. Magdebýrg qalasynyń 62 jastaǵy turǵyny qaýipti vırýs juqtyrǵan joq, dep habarlaıdy <a href="https://ru.euronews.com/health/2024/03/06/short-germany-covid-vaccination" target="_blank" rel="noopener">Euronews.</a></p>

Nıýrnbergtegi Erlangen ýnıversıtetiniń zertteýshileri málimdegendeı, er adam ekpeni «ádeıi jáne jeke sebeptermen» kóp mólsherde kóp saldyrtqan. 

Olar er adam týraly gazetten oqyǵannan keıin onymen baılanysyp, onyń denesiniń COVID-19 vaktsınalaryna reaktsııasyn zertteý úshin synaqtar júrgizýdi surady. 

«Bizdiń zerttelýshige barlyǵy segiz túrli vaktsına, sonyń ishinde ártúrli qoljetimdi mRNQ-vaktsınalary egildi. Osyndaı gıpervaktsınatsııaǵa qaramastan, odan eshqandaı janama áserler baıqalmaǵany preparattardyń óte jaqsy ekenin kórsetedi», - dedi Erlangen-Nıýrnberg ýnıversıtetiniń doktory Kılıan Shober. 

Zertteýshiler toby vaktsınanyń úsh dozasyn alǵan baqylaý tobyndaǵy adamdarǵa qaraǵanda er adamda koronavırýsqa qarsy ımmýndyq jasýshalar men antıdeneler joǵary ekenin anyqtady. 

«Shamadan tys vaktsınatsııa» ımmýndyq júıeniń buzylýyna nemese janama áserlerge ákelmedi. 

Prokýror alaıaqtyq isiniń bir bóligi retinde toǵyz aı ishinde 130 vaktsınany qarady, biraq bul adamǵa qatysty qylmystyq is qozǵalǵan joq, deıdi zertteýshiler. 

Taǵy 108 ekpe jekeleı tártipte tirkelip, prokýror derekterimen ishinara sáıkes kelgen. 

Zertteýshiler zertteý tek bir jaǵdaıdy qarastyrǵanyn jáne olardy halyqqa jalpylaı almaıtynyn eskertti.

Bul jaǵdaıdy synap kórgen mamandar zertteý barysynda tek bir oqıǵa ǵana nazarǵa alynǵanyn jáne kópshilikke budan shyqqan qorytyndy durys dep aıtýdan aýlaq ekenin eskertti.