Germanııada dári-dármek tapshylyǵy bastaldy

<p>ASTANA. KAZINFORM &ndash; Germanııada dári-dármek daǵdarysy máselesi týyndady &ndash; sonyń saldarynan keıbir dárigerler naýqastardy úılerine jiberýge májbúr, dep habarlaıdy <a href="https://t.me/BILD_Russian/19260" target="_blank" rel="noopener">BILD</a>.&nbsp;</p>

Dári-dármek, ásirese dári tamyzǵyshqa arnalǵan fılıologııalyq eritindini jetkizýde kúrdeli daǵdarys týyndady. Bul tapshylyqtan Germanııanyń birqatar medıtsınalyq mekemelerinde dárigerler naýqastardy qajetti em-dommen qamtamasyz ete almaı, olardy úılerine jiberýge májbúr bolyp otyr. Bul rette medıtsına qyzmetkerleri dári-dármek tapshylyǵy bolýy múmkin ekenin qyrkúıek aıynda eskertti.

«Búkil Germanııanyń medıtsınalyq mekemelerinde fızıologııalyu eritindiniń tapshylyǵyna baılanysty medıtsınalyq kómek kórsetýde shekteýler bar. Dárigerler naýqastardy emdeı almaǵandyqtan úılerine jiberýge májbúr. Bul – medıtsınalyq sátsizdik jáne elimizdegi dári-dármekpen qamtamasyz etý úshinshi álem elderi deńgeıinde turǵanynyń kórinisi», - dedi Federaldyq dárigerler qaýymdastyǵynyń basshysy Andreas Gassen BILD basylymyna bergen suhbatynda.

Óz kezeginde nemis emdeý qaýymdastyǵynyń basshysy Gerald Gass mańyzdy dári-dármekter men eritindilerdiń tapshylyǵynan jeke kabınetterdegi dárigerler ǵana emes, memlekettik aýrýhanalar da zardap shegip jatqanyn atap ótti.

«Aýrýhanalar óndirýshilerden tapsyrys beretin shaıýǵa jáne ınfýzııaǵa arnalǵan eritindilerdiń qajetti kólemin almaı otyr. Biz naýqastarǵa áli de qajetti kómek kórsete alamyz, biraq bul úlken uıymdastyrýshylyq jáne qarjylyq kúsh-jigerdi qajet etedi. Alaıda jaǵdaı túzelmeı, emdelýshiler sany kóbeıe berse, qyzmet kórsetý múmkin bolmaıdy», - dep qosty ol.