Germanııada 11 áýejaıdaǵy ereýilge baılanysty 1100 reıs toqtatylady

<p>ASTANA. KAZINFORM - Germanııadaǵy Ver.di kásipodaǵy jolaýshylar men bagajdy baqylaýǵa jaýapty áýejaı qyzmetkerleriniń jalaqysyn kóterýdi talap etip otyr. Bir kúndik ereýilden kem degende 200 myń jolaýshy zardap shegedi, dep habarlaıdy <a href="https://www.dw.com/ru/v-germanii-otmenat-1100-rejsov-izza-zabastovki-v-11-aeroportah/a-68139303" target="_blank" rel="noopener">DW</a> aqparat agenttigi.</p>

«Germanııada 1 aqpan, beısenbide kem degende 1100 reıs toqtatylady, bul shamamen 200 myń jolaýshyǵa áser etedi», - dep habarlady nemis áýejaılarynyń ADV qaýymdastyǵy. 

Buǵan Ver.di.kásipodaq uıymy uıymdastyrǵan áýejaı qaýipsizdik qyzmetkerleriniń bir kúndik eskertý narazylyq sharasy sebep bolyp otyr. 

Ereýil eldiń 11 áýejaıynda ótedi: Maındaǵy Frankfýrt, Gambýrg, Berlın, Dıýsseldorf, Keln, Shtýtgart, Bremen, Gannover, Leıptsıg, Drezden jáne Erfýrtta. Ereýil Mıýnhen jáne Nıýrnberg áýejaılaryna áser etken joq, biraq bul qalalarǵa barlyq reıster toqtatylady.

Ereýilshiler jalaqy kóterýdi jáne artyq jumys istegeni úshin qosymsha tólemdi talap etip otyr. Ereýilge jolaýshylardy, bagajdy jáne qyzmetkerlerdi baqylaıtyn 25 myń áýejaı qyzmetkeri qatysty.

Ver.di kásipodaq uıymy BDLS áýe qaýipsizdigi jáne qaýipsizdik kompanııalarynyń federaldyq birlestigimen jnjaldasyp, ereýilshiler úshin jalaqyny saǵatyna 2,80 eýroǵa kóterýdi, ústeme jumys, túnde, demalys jáne mereke kúnderi jumys istegeni úshin qosymsha tólemderdi kóbeıtýdi talap etip otyr.