Germanııa jumys kúshi tapshylyǵynan jyl saıyn mıllıardtaǵan aqsha joǵaltady

<p>BERLIN. KAZINFORM &ndash; Ekonomısterdiń boljamy boıynsha, nemis kompanııalary bıyl tolyq qýatynda jumys istegende 49 mıllıard eýroǵa kóp paıda tabýy múmkin. Aldaǵy jyldary bilikti kadrlar tapshylyǵy máselesi ýshyǵa túspek, dep habarlaıdy <a href="https://www.dw.com/ru/germania-ezegodno-teraet-milliardy-izza-nehvatki-kvalificirovannyh-kadrov/a-69057599" target="_blank" rel="noopener">DW</a>.</p>

Germanııa ekonomıkasy bilikti kadrlardyń jetispeýshiliginen jyl saıyn eki tańbaly mıllıard shyǵynǵa ushyraıdy. Nemis ekonomıkasy ınstıtýtynyń (IW) jeksenbide, 12 mamyrda jarııalaǵan esebine sáıkes, nemis kásiporyndary, eger tolyq qýatynda jumys istese, 2024 jyly 49 mıllıard eýro kóbirek paıda tabýy múmkin. Sonymen qatar, kadr tapshylyǵyna qatysty qıyn jaǵdaı aldaǵy jyldarda da saıyn ýshyǵa túspek.

2023 jylǵy málimet boıynsha, Germanııada 570 myń jumys orny bos qaldy. «Bul kásiporyndardyń óndiristik áleýeti iske aspaı qalǵanyn bildiredi. Shyndyǵynda, olar kóbirek shyǵara alar edi, biraq jumysshy kúshi jetkiliksiz», - deıdi ınstıtýt sarapshylary.

Aldaǵy jyldary kadr tapshylyǵyna qatysty jaǵdaı nasharlaı túsedi dep kútiletindikten, kadr tapshylyǵynan bolatyn shyǵyn da artady, dep boljaıdy ekonomıster. 2027 jyly joǵalǵan óndiristik áleýettiń kólemi 74 mıllıard eýroǵa deıin artady.

«Kadr tapshylyǵyn azaıtý úshin bizge, eń aldymen, bilikti ımmıgranttar qajet», - dep esepteıdi ekonomıster.

Olar sondaı-aq egde jastaǵy qyzmetkerlerdiń eńbek etý merzimin uzartý qajet dep sanaıdy.

«Kásiporyndar tartymdy usynystary bar tájirıbeli qyzmetkerlerdi ustap qalýǵa tyrysýy kerek», - dep keńes beredi nemis ekonomıka ınstıtýty.