Germanııa vıtse-kantsleri basqarýshy koalıtsııanyń ydyraǵanyn málimdedi

<p>ASTANA. KAZINFORM &mdash; Vıtse-kantsler, Germanııanyń Ekonomıkalyq ister jáne klımatty qorǵaý mınıstri Robert Habek (&laquo;jasyldar&raquo;) Germanııadaǵy basqarýshy &laquo;Baǵdarsham&raquo; koalıtsııasynyń ydyraǵany týraly málimdedi. Onyń quramyna Germanııanyń sotsıal-demokratııalyq partııasy (GSDP), &laquo;jasyldar&raquo; jáne Erkin demokratııalyq partııasy (EDP) kiredi, dep habarlaıdy <a href="https://tass.ru/" target="_blank" rel="noopener">TASS</a> aqparat agenttigi.</p>

GFR kantsleri Olaf Sholts 2025 jyldyń 15 qańtarynda Býndestagta úkimetke senim bildirý máselesin kóterýge nıetti. Kezekten tys parlamenttik saılaý naýryz aıynyń sońyna deıin ótýi múmkin. Býndestagtaǵy EDP fraktsııasy óz mınıstrleriniń koalıtsııadan tolyǵymen shyǵatynyn, osylaısha onyń qyzmeti toqtatylǵanyn habarlady.

Sholts (GSDP) basqarýshy koalıtsııanyń ydyraýyna baılanysty arnaıy málimdeme jasady. Ol el prezıdenti Frank-Valter Shtaınmaıerden qarjy mınıstri Krıstıan Lındnerdi (EDP) qyzmetinen bosatýdy suraǵanyn aıtty. Onyń aıtýynsha, Lındner kantslerdiń eldiń ekonomıkalyq baǵytyn ózgertý jónindegi usynystaryn oryndaýǵa «ázirligin tanytpaı otyr».

Sholtstiń málimdeýinshe, qarjy mınıstri onyń senimine tym jıi opasyzdyq jasaǵan. Ol qazir Lındner ókildik etetin EDP-men koalıtsııada «budan ári yntymaqtastyq úshin senim negizi joq» dep sanaıdy.

Lındner óz kezeginde Sholtsti basqarýshy koalıtsııany ádeıi bóldi dep aıyptady. Ol sondaı-aq Sotsıal-demokrattar men «jasyldardy» keńesý úshin negiz retinde Germanııanyń ekonomıkalyq jaǵdaıyn jaqsartý jónindegi usynystaryn tipti qabyldamaıdy dep aıyptady. Mınıstrdiń aıtýynsha, Sholts eldi belgisizdik kezeńine engizip jatyr.

Kazinform úshin arnaıy TASS seriktes agenttigi usynǵan.

Aıta keteıik, Germanııada jumyssyzdar sany 2021 jyldan bergi eń joǵary kórsetkishke jetkeni anyqtaldy.