Germanııa, Ulybrıtanııa jáne Estonııa mamandary Qazaqstannyń áskerı nysandarymen tanysty

ASTANA. QazAqparat - Germanııa, Ulybrıtanııa jáne Estonııa ınspektsııalyq tobynyń mamandary Qazaqstan Qorǵanys mınıstrliginiń áskerı bólimderi men basqa da obektilerine bardy. Bul týraly QazAqparat mınıstrlikke silteme jasap habarlaıdy.

Inspektsııalaý 2011 jylǵy 30 qarashadaǵy EQYU forýmynyń jalpy otyrysynda qabyldanǵan senim men qaýipsizdikti nyǵaıtý sharalary týraly Vena qujaty boıynsha mindettemelerdi oryndaý sheńberinde ótedi.

Áskerı sarapshylar Jambyl oblysyndaǵy «Mátibulaq» polıgonynda ótip jatqan UQShU oqý-jattyǵýlarynyń barysymen tanysty.

Kelisilgen jospar boıynsha olar Gvardeısk – Qonaev pen Almaty qalalary baǵyttary boıynsha aýmaqty ushyp ótetin bolady. Baǵdarlamada sondaı-aq áskerı bólimderde brıfıngter ótkizý jáne «Іle», «Shoshqaly» jáne «Jaǵalaý» oqý-jattyǵý polıgondaryndaǵy ınspektsııasy kózdelgen.

Áskerı ınspektorlardyń qorǵanys vedomstvosy obektilerine barýy Qazaqstan Áskerı yntymaqtastyq pen qaýipsizdikti qamtamasyz etý salasynda ustanatyn aıqyndylyq pen ashyqtyqqa jaýap beredi.