Germanııa polıtsııasy joǵalyp ketken qazaqstandyq sýdıany izdeýge kiristi

<p>ASTANA. KAZINFORM — Germanııa polıtsııasy habar-osharsyz ketken Astana qalasy Saryarqa aýdanynyń burynǵy sýdıasy Aıgúl Saılybaevany izdeýge kiristi. </p>

Buǵan deıin eks-sýdıanyń joǵalyp ketkenin onyń aǵasy Qanat Saılybaev BAQ-qa habarlaǵan bolatyn.

Onyń aıtýynsha, Aıgúl uzaq ýaqyt boıy kúıeýi Aleksandr Dontsov pen onyń anasy tarapynan turmystyq zorlyq-zombylyq kórip kelgen.

Áıeldiń otbasy Qazaqstannyń Frankfýrttaǵy konsýldyǵyna júgindi.

Jaǵdaıǵa QR Syrtqy ister mınıstrligi túsinik berdi.

— Іs Germanııadaǵy dıplomattarymyzdyń baqylaýynda. Jergilikti polıtsııa izdestirý sharalaryn bastady. Konsýl osy azamattyń týystarymen turaqty baılanysta, — dep habarlady vedomstvodan.