Germanııa mınıstri el turǵyndaryna 10 kúndik azyq qoryn jasaýdy usyndy

BRıÝSSELЬ. QazAqparat – Qazirgi krızıs jaǵdaıynda turǵyndar asa qajetti taýarlardy alyp qoıǵany durys. Bul týraly Germanııanyń Іshki ister mınıstri Nensı Feızer jergilikti basylymdardyń birine bergen suhbatynda aıtty, dep habarlaıdy QazAqparattyń menshikti tilshisi.

«Qazirgi krızıs kóp dúnıege muqtaj ekenimizdi anyq kórsetti, ıaǵnı azamattyq qorǵanys týraly aıtyp otyrmyn. Eger elektr jaryǵy uzaq ýaqytqa sónse nemese kúndelikti ómirimizde basqa birdeńe bolmasa, úıde asa qajetti azyq-túlikterdi alyp qoıǵan durys», - dedi nemis mınıstri.

Germanııanyń ІІM basshysy jergilikti turǵyndardyń nazaryna tótenshe jaǵdaıda bir adamǵa on kúnge qajetti azyq-túlik tizimin usyndy. Ol usynǵan on kúndik bazalyq tamaq qory mynadaı: kúnine 2 lıtr kóleminde suıyqtyq, barlyǵy 20 lıtr; jarma, astyq ónimderi, nan, kartop, makaron ónimderi, kúrish: 3,5 kg; kókónister, burshaq tuqymdastar: 4 kg; jemister, jańǵaqtar: 2,5 kg; sút, sút ónimderi: 2,6 kg; balyq, et, jumyrtqa nemese tutas jumyrtqa untaǵy: 1,5 kg; maılar: 0,375 kg.

Germanııa turǵyny azyq-túlik qoryn josparlaǵanda jeke qajettiligin, dıetalyq talaby men allergııasyn esepke alýy tıis. Dári-dármekterge qatysty jeke tizim bolǵany jón, olardyń arasynda aýyrsynýdy basatyn, sýyqqa qarsy, dezınfektsııalyq, dıareıaǵa qarsy jáne basqa da dári-dármekter bolýy kerek.