Germanııa men Aýstrııa koronavırýsqa qatysty shekteýdi kúsheıtti

NUR-SULTAN. QazAqparat – Germanııa úkimeti ekpe almaǵandarǵa qatysty qatań shekteý engizý jáne medıtsına qyzmetkerlerin mindetti túrde vaktsınalaý týraly sheshim qabyldady, dep habarlaıdy QazAqparat Euronews-ke silteme jasap.

Bul týraly beısenbide kantslerdiń mindetin atqarýshy jáne aımaq basshylary bastaǵan daǵdarys shtaby otyrysynyń qorytyndysynda belgili boldy. Robert Koh ınstıtýtynyń málimetinshe, ótken táýlikte koronavırýsty juqtyrýshylar sany 65 370-ten asqan.

«Biz bul ońaı sheshim emes ekenin bilemiz jáne eger vaktsınatsııadaǵy alshaqtyq munshalyqty kóp bolmaǵanda, biz ońtaıly sheshim qabyldaı alar edik. Eger bizde ekpe alǵandar sany kóp bolsa, qazir qabyldanýy tıis kóptegen shara qajet bolmas edi. Vaktsına alý eshqashan da kesh emes, tipti qazir de siz qoǵamdy qorǵaýǵa úles qosa alasyz», - dedi Angela Merkel. Germanııada 2G erejesi qoldanylady: qoǵamdyq oryndarǵa (meıramhana men kontsert zalyna) tek vaktsına alǵan nemese Covid-19-ben aýyryp shyqqadar ǵana kirgiziledi. 16 okrýgtiń 12-sinde 100 myń turǵynǵa shaqqanda úsh koronavırýsqa shaldyǵýshy naýqas tirkelgen. Eger olardyń sany altyǵa jetse, bılik dúken, bar men meıramhanalar jabylatynyn málimdedi. Mektepterdi jabý áli josparlanbaǵan. Joǵarǵy Aýstrııa men Zaltsbýrg federaldy jerleriniń bıligi 22 qarashadan bastap reanımatsııa bólimshelerinde júktemelerdiń artýyna baılanysty barlyq turǵyndar úshin karantın engizý nıeti bar ekenin jarııalady.

Aýstrııalyq baspasóz agenttiginiń habarlaýynsha, juma kúni Aýstrııanyń barlyq aımaǵynyń basshylary federaldy deńgeıde lokdaýndy engizý máselesin talqylaýdy josparlap otyr. Aýstrııalyq Saýda qaýymdastyǵy osyǵan baılanysty mıllıondaǵan shyǵyndar bolýy múmkin dep boljap otyr.